Откако шпански ОКДиарио објави малку сензационална информација за потенцијален договор со Обединетите Арапски Емирати, сега стигна демант од европската фудбалска куќа.
ОКДиарио пишуваше за зделката вредна 2,4 милијарди, колку УЕФА би заработила со продажба на одредени права на своите натпреварувања.
УЕФА остро го демантира ова и тврди дека шпанските таблоиди шират невистини за УЕФА и дека оваа практика зачестила.
„УЕФА знае дека на 21 декември може да го загуби случајот пред Судот на Европската унија поврзан со Супер лигата и се договори со Абу Даби да биде спонзор на Лигата на шампионите. Сакаат да ја направат поатрактивна за клубовите и да избегнат дезертерство во Суперлигата“, изјави шпанскиот новинар Едуардо Инда во емисијата El Chiringuito de Jugones, напиша во вторникот ОКДиарио.
