Грозоморното убиство на 14-годишната Вања Ѓорчевска денеска е главна вест и во медиумите во регионот.
Во Србија, РТС, Н1, Еуроњус, Танјуг, Нова, Блиц и сите портали информираат за деталите за убиството. Ги изнесуваат новите информации од прес-конференцијата на министерот Оливер Спасовски дека првоосомничениот е во бегство, а таткото е вмешан во киднапирањето.
Деталите за случајот ги пренесуваат и медиумите во Албанија, Косово, Хрватска, БиХ.
И претходните денови во тамошните медиуми секојдневно се споделуваа информации кои беа поврзани со исзчезнувањето на сега веќе убиеното девојче.
