Цените на какаото денеска се искачија на рекордни 5.874 долар за метрички тон, што е највисока цена на сите времиња. Ова, според аналитичарите, е резултат на лошите временски услови кои негативно влијаат на приносите на земјоделските култури во Западна Африка, каде што се произведуваат три четвртини од светското производство.
Фјучерсите на какаото поскапеа за повеќе од 1.000 долари, или речиси 40% од почетокот на годината до денес, достигнувајќи го денеска највисокото ниво на сите времиња од 5.874 долари за метрички тон.
Феномен Ел Нињо предизвикува суши во Западна Африка, што им штети на приносите во Гана и Брегот на Слоновата Коска, двата најголеми производители.
-Промената на временските обрасци значи дека потенцијалните приноси на какао сега се трајно намалени- изјави Хумза Хусаин, аналитичар за стоки во TD Asset Management.
Високата цена на какаото ќе придонесе и за раст на цените на чоколадото, а што деновиве го најавија и производителите од кондоторската индустрија.
