Српската влада усвои уредба за ограничување на висината на цените на нафтените деривати со која е пропишано дека максималната малопродажна цена на „евродизелот“ изнесува 179 динари и на „европремиум“ бензинот од 95 октани 171 динар по литар.
Како што е соопштено, влада ова го направи за да се спречи поголемо ценовно нарушување и да се зачува животниот стандард на населението, бидејќи во претходниот период е забележан раст на цените на овие деривати, што директно влијаело на зголемување на цените на сите други стоки и услуги.
Усвоен е и предлог-законот со кој се уредува прашањето за исплата на парична помош од 100 евра на младите од 16 до 29 година. Се додава дека оние кои добиле парична помош нема да мора повторно да аплицираат.
Донесена била и одлука за вработување на 1.000 дипломирани медицински лица во здравствените установи во Србија и со тоа да се овозможи непречена, ефикасна, континуирана и достапна здравствена заштита.
