Од 19 часот во Ријад ќе играат Ал Наср Ријад и Интер Мајами. Дуел дизајниран за повторно обединување на два гиганти
Лионел Меси и Кристијано Роналдо, двајцата играчи кои оставија фудбалска трага во 21 век, за помладите генерации дефинитивно и двајцата најдобри кои некогаш играле фудбал требаше повторно да бидат на спротивните страни. Во своите славни фудбалски кариери играа 37 пати еден против друг, заедно освоија дури 13 Златни топки, на 1 февруари требаше да бидат на спротивставени страни, но ништо нема од тоа.
Повредата на потколеницата на Роналдо е од таква природа што славниот Португалец нема да може да игра. Не сакаат ништо да ризикуваат поради фактот што следната недела продолжува фудбалскиот шампионат на Саудиска Арабија, а таму Ал Наср се бори за трофејот. Тренерот Луис Кастро тоа го потврди ден пред натпреварот пред насобраните новинари.
Што се однесува до натпреварот меѓу Ал Наср и Интер Мајами, тоа е пријателски натпревар на два егзотични клуба. Ал Наср се подготвува за вториот дел од првенството на Саудиска Арабија, а Интер Мајами за стартот на новата сезона.
