Поранешниот американски претседател Доналд Трамп изјави дека актуелниот американски претседател Џо Бајден е или „луд или сенилен“, откако сегашниот лидер го нарече екстремист.
Претходно, во обраќањето до нацијата пред изборите на среднина на мандатот во ноември, Бајден рече дека Трамп и поддржувачите на движењето „Направи ја Америка повторно голема“ претставуваат екстремизам што е закана за Соединетите држави.
Тој истакна дека ги почитува конзервативните републиканци, но дека оние кои го поддржуваат споменатото движење ја уништуваат демократијата, повикувајќи го народот да гласа и да се бори за спас на САД.
– Ако ги погледнете зборовите и значењето на чудниот и лут говор на Бајден вечерва, тој и се закани на Америка, вклучително и потенцијална употреба на воена сила. Мора да е луд или во поодмината фаза на деменција – напиша Трамп на социјалните мрежи.
Трамп додаде дека некој треба да му објасни на Бајден дека ако не сака повторно да ја направи Америка голема, тогаш дефинитивно не треба да ги претставува Соединетите држави.
