Светот на спортот го потресе веста која пристигна од Грција. Синоќа во Атина избувнаа нереди меѓу навивачите на АЕК и Динамо Загреб. Еден навивач на грчкиот клуб го загуби животот, а уште шест лица се повредени.
„Хрватите дојдоа со клубови, тоа никогаш не сум го видел“
Се огласи уште еден сведок на дивеењето на хулиганите во понеделникот вечерта во Атина во близина на стадионот на АЕК.
Еден од очевидците на бунтот во кој до смрт беше избоден грчки навивач, за АНТ1 раскажа за своето искуство. Станува збор за сопственик на кафуле во близина на местото на настанот.
„Ми пријде еден млад човек и рече дека за половина час ќе дојдат Хрватите и дека треба да ги соберам луѓето и да ги извадам. И навистина, за половина час се појавија“.
Околу 22 часот, според неговото сведочење, се појавиле хулигани во „дуксери“ со палки. Тие наводно вандализирале продавници во близина.
„Имаа и дрвени палки, тоа не сум го видел во животот. Дојдоа од сите страни, во неколку групи. Видов повреден човек со крвава глава, го однесоа со брза помош“.
Според сведокот, полицијата пристигнала по половина час.
Сведокот опиша како изгледало дивеењето на навивачите.
