Легендата на кантри музиката Тоби Кит почина на 62-годишна возраст. Вестта за неговата смрт е објавена на неговите социјални мрежи.
„Тоби Кит мирно почина синоќа, 5 февруари, опкружен со своето семејство. Својата борба ја водеше храбро. Ве молиме почитувајте ја приватноста на неговото семејство во овој момент“ – се вели во пораката.
Пејачот зад себе ги остави неговата сопруга Триша Лукас и нивните три деца, ќерката Шели Ковел Роланд, пејачката Кристал Кит и синот Стелен. Кит имаше и четири внуци.
Инаку, претходно овој месец Тоби откри дека се бори со рак на абдомен.
– Поминував низ сите хемотерапии, зрачења, операции и стигнав до точка кога ми е удобно што и да се случи. Го подготвив мозокот за тоа, како и да е, бев на добро место – изјави пред извесно време Тоби Кит.
Тоби Кит, почина, кантри пејач, канцер
