Да се почитува достоинството на медиумските работници и да им се обезбедат услови за непречено извршување на нивните професионални задачи, апелира Агенцијата за аудио и аудиовизуелни медиумски услуги во врска со последниот инцидент на протестот на приватните автобуски превозници.
Како што пишувавме, полицајци побарале од новинарката Фазиле Халили од ТВ 21 да ги избрише видео-записите направени за време на протестот, поврзан со блокадите на приватните превозници. Во врска со овој инцидент Агенцијата за аудио и аудиовизуелни медиумски услуги потенцира дека новинарите имаат должност да покриваат и известуваат за настани кои се од јавен карактер.
Агенцијата апелира да се почитува достоинството на медиумските работници и да им се обезбедат услови за непречено извршување на нивните професионални задачи, затоа што тоа е неопходен предуслов за слободата на информирање.
