Белградскиот радиолог Владимир Кечмановиќ (47), татко на Коста Кечмановиќ (13), кој уби девет деца и училишен чувар во училиштето во Врачар и рани пет пријатели и наставничката по историја, ја дели затворската ќелија со Никола Остојиќ, познатиот белградски хирург кој беше приведен на почетокот на годината откако крвнички ја претепал својата сопруга, мајката на нивните три малолетни деца, објави Republika.rs
Двајцата лекари се во притвор во Централниот затвор Белград.
Српскиот портал пренесува дека таткото на Коста Кецмановиќ му се придружил на Остојиќ во собата што ја делел со уште двајца цимери.
– Владимир беше распореден во соба со Никола, тие двајца веднаш се поврзаа, односно најдоа заеднички теми. Имаат уште двајца притворени за цимери. Тоа не беше проблем бидејќи и двајцата се доктори на иста возраст и се движеа во исти кругови. Никола го теши Владимир иако ситуацијата е катастрофална. Речиси не може да најде зборови за утеха, но се труди – открива изворот на Republika.rs
Тој наведува дека Кечмановиќ го мачат прашања за ќерката и сопругата и си припишува грешки во однос на синот, иако мислел дека е добар татко.
На Владимир Кецмановиќ вчера му беше продолжен притворот за уште еден месец. Тој е обвинет дека не го чувал оружјето и муницијата надвор од дофат на детето и дека му ги ставил на располагање, како и дека го учел синот да пука.
Од друга страна, неговиот цимер во притвор, Никола Остојиќ, на 2 февруари беше уапсен под сомнение дека од почетокот на јануари до почетокот на февруари годинава, физички ја малтретирал сопругата задавувајќи ја со сајла, ја влечел за коса, ја понижувал и навредувал и и нанел тешки телесни повреди и скршеници.
