Градоначалникот на општина Гостивар, Арбен Таравари денеска го пречека амбасадорот на Република Косово, неговата екселенција, Флоријан Ќехаја, со кого разговараа за политичкиот момент во кој се наоѓа регионот, важноста од одржување на прозападната ориентација на нашите земји и одговорностите на европската иднина.
На средбата, исто така, беше истакнато дека Република Северна Македонија и Република Косово треба тесно да соработуваат во елиминирање на сите бирократски пречки во политичката, културната, економската, комерцијалната и сите други сфери на животот за благосостојба на нашите граѓани.
Се разговараше и за развојот на општините во двете земји преку економска размена, за зголемување на човечкиот капитал и за воспоставување на односи меѓу нашите општини, со цел зголемување на соработката за нивен развој.
