Светската здравствена организација, која претходно ја критикуваше Кина за нејзината недоволна транспарентност во врска со епидемијата на коронавирус на нејзина територија, ги повика кинеските власти да дадат повеќе детали за ситуацијата по провинција.СЗО соопшти дека генералниот директор на организацијата, Тедрос Аданом Гебрејесус, разговарал за коронавирусот во текот на денот со кинескиот министер Ма Ксијаовеи, директор на кинеската здравствена комисија.
Кинеските власти денеска објавија дека околу 60.000 луѓе починале како последица на инфекција со коронавирус од почетокот на декември. СЗО побара Кина да продолжи да пренесува податоци за подобро да се разбере епидемиолошката ситуација во таа земја и последиците од овој бран на инфекција.
Организацијата исто така побара од кинеските научници да споделат податоци за анализата на корона вирусот, со цел подобро следење на епидемијата.
