На младински фудбалски турнир во Сараево се случи инцидент кој ја згрози јавноста. Група од десет маскирани хулигани нападнале родители на момче кое игра за српскиот клуб Звездара.
По натпреварот, момчињата од српскиот тим отишле во своите соби, а родителите во друг хотел каде што биле сместени.
Пред хотелот ги пречекала група маскирани хулигани, кои влетале во хотелот и фрлиле солзавец. Кога група родители излегле на паркингот, биле опсипани со бакли, а хулиганите го избоделе едниот родител. Тој бил пренесен во болница во Сараево, добил помош во болница во Сараево и се чувствува добро.
„Никој од родителите не беше во конфликт со никого. Има тимови од Босна и Херцеговина, Црна Гора, Словенија, Србија… Разменивме знамиња меѓу себе, беше сосема нормална атмосфера. Очигледно беше напад од навивачи, бидејќи биле маскирани со бакли, ножеви и солзавец“, изјави за Нова.рс еден од родителите.
По немилиот настан полицијата го обезбедува хотелот, а на секој кат има по двајца полицајци.
