Страшна трагедија пред една недела се случила во германскиот град Есен, при што Македонка била убиена од нејзиниот сопруг, пишува „Билд“. Погребот за жената која потекнува од Кавадарци ќе биде извршен утре во 9.30 на градските гробишта во Есен.
Инаку ужасно крвопролевање се случило точно пред една недела во стан во Есен. Жената (41) била избодена од сопругот, најверојатно пред очите на нејзиниот осумгодишен син. Нејзините повреди биле толку тешки што искрварила до смрт.
Како што пренесуваат германските медиуми постариот син (16) на жртвата ја известил полицијата за ужасниот настан. Кога дошол дома околу 19 часот, неговиот помал брат стоел пред заклучената врата од станот. Тој бил целосно вознемирен и рекол дека мајка му била внатре, каде лежела повредена на подот.
Полицајците кои пристигнале ја пронашле жената облеана во крв во станот во областа Креј. Лекарот од итната медицинска помош и болничарите се обиделе да ја реанимираат мајката. За жал залудно.
Полицијата во Есен информира дека на самото место имало докази за 47-годишен осомничен (Македонец), кој е сопруг на починатата жена. Полицијата започнала потрага по осомничениот во бегство, но успеала да го спречи откако мажот во Гелзенкирхен, каде тој бил уапсен без отпор од службите за итни случаи од соседниот град.
На социјалните мрежи се споделени детали за погребот на убиената 41-годишна Ванеса, а повеќе нејзини роднини од Кавадарци на социјалните мрежи, кои со трогателни пораки, фотографии и видеа се простуваат од неа.
Пред неколку дена пак, германските медиуми известија за убиство на 32-годишен Македонец, кое исто така се случило во Есен. Тој бил убиен во саботата, околу два часот по полноќ, откако бил нападнат од страна на две млади лица од Еритреја, кои го удирале со пивско шише, додека не се онесвестил. Бил пренесен во болница, но набргу починал. Двете осомничени лица биле приведени.
