More

    Столтенберг предлага 100 милијарди евра за Киев

    spot_img

    Министрите за надворешни работи на НАТО денеска се состануваат за да разговараат за тоа како да се постави воената помош за Украина на долгорочна одржлива основа, вклучително и предлог за петгодишен пакет од 100 милијарди евра кој ќе обезбеди поддршка за Киев доколку Доналд Трамп се врати во Белата куќа.

    Според плановите, во случај Трамп да ја прекине воената помош за Украина, НАТО ќе ја преземе координацијата од Рамштајн групата, ад хок коалиција предводена од САД.

    Генералниот секретар на НАТО, Јенс Столтенберг ќе предложи создавање фонд од 100 милијарди евра за пет години за помош на Украина во војната против Русија, објавија синоќа дипломатски извори.

    За ова ќе разговараат 32-те земји од НАТО денеска на состанокот на министрите за надворешни работи во Брисел, велат истите извори.

    – Министрите „ќе разговараат за најдобриот начин да се организира поддршката на НАТО за Украина за да биде посилна, попредвидлива и поодржлива – изјави неименуван претставник на Алијансата.

    На состанокот не се очекува одлука, но „разговорите за тоа ќе продолжат пред самитот на НАТО во Вашингтон во јули“, додаде функционерот.

    За финансирањето на тој фонд сè уште се разговара, но идејата е секоја од земјите-членки на Алијансата да придонесе според својот бруто домашен производ (БДП).

    – Сè што придонесува за динамиката на поддршката за Украина оди во вистинска насока – рече неименуван дипломат на НАТО, истакнувајќи дека идејата сè уште покренува многу прашања меѓу сојузниците, особено во однос на финансирањето.

    Мандатот на Столтенберг како генсек на НАТО истекува годинава, а Холандскиот премиер, Марк Руте, кој официјално е кандидат, има поддршка од 90 отсто од земјите на Алијансата, додаваат дипломатските анкети.

    Друг кандидат за замена на Столтенберг е романскиот претседател, Клаус Јоханис.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img