Кремљ е во „клановска битка“ на „силовиките“, моќните функционери, а повеќе челници пробуваат да ги оцрнат другите и да се претстават себеси во добро светло пред претседателот Владимир Путин, анализира познатиот Институт за истражување на војната ИСВ во САД. Во написот се вели дека „клановската битка“ почнала поради подготовки за место по претстојните претседателски избори во Русија кои се закажани за март.
Препукувањата меѓу фракциите, според ИСВ, ќе имаат негативни ефекти на бојното поле во Украина, но веројатно нема да дојдат во масовен конфликт во руските редови или поширокото општество.
Кој се препукува? Од една страна руското Министерство за одбрана(МО) на чело со министерот Сергеј Шојгу, заедно со секретарот на рускиот Совет за безбедност Николај Патрушев одат против фракцијата на Игор Сечин – „де факто заменик на Путин и Извршен директор на руската државна нафтена компанија Роснефт“, пишува ИСВ.
За моќта на Патрушев се пишуваше уште лани. Тој е еден од кандидатите кои би можеле да го наследат Путин како претседател и да ја продолжат неговата политика на владеење.
Руското МО се пресметува и со руските воени блогери, со моќните руски воздушни формации ВДВ и нивните патрони во естаблишментот Кремљ.
Резултат на оваа пресметка, според извор за ИСВ, е односот на руската воена команда кон српската платеничка формација, при кои српскиот платеник и снајперист Дејан Бериќ тврдеше дека неговите сонародници биле злоупотребувани од руски команданти и дека биле терани да вршат напади без соодветна опрема.
Каналот „Visionary Channel“ на Телеграм тврди дека акциите на Бериќ би можеле да имаат за цел да го поткопаат гувернерот на регионот Тула Алексеј Дјумин, член на фракцијата на Сечин, кој служи како покровител на неколку формации на ВДВ, како и команданти на ВДВ – генерал-мајор Владимир Селиверстов и генерал-полковник Михаил Теплински.
„Дјумин, Теплински и Селиверстов претходно беа вклучени во конфликти со руското МО и беа поврзани со групата на Вагнер и опозицијата на Шојгу“, се вели во анализата на ИСВ.
„Во меѓувреме, мрежата на Сечин го поткопува Патрушев со напад на неговиот син Дмитриј Патрушев, кој е министер за земјоделство на Русија, поради неодамнешниот недостиг на јајца во земјата“, тврди рускиот канал на Телеграм.
„Изворот имплицираше дека фракциите се обидуваат да се дискредитираат едни со други пред Путин, за да обезбедат нови позиции во Кремљ по претседателските избори“, се вели во анализата на ИСВ и се додава:
„Внатрешните борби и фракционерската динамика во Кремљ не се нови феномени и не укажуваат на неминовен колапс на режимот на Путин, особено што вертикалите на моќта се основата на режимот на Путин“.
