Српската полиција за време на рација за дрога во куќа во Белград пронашла човечки череп во куќата. По наредба на обвинителството, черепот е даден на обдукција и ДНК анализа, објави српски Блиц.
Според неофицијални информациин, сопственикот на куќата рекол дека тоа е черепот на неговиот татко кој починал пред 45 години и бил погребан во семејната гробница.
Жителот на Белград, чиј идентитет не е откриен, наводно го видел черепот кога гробницата била отворена за да погребаат роднина.
Тој тогаш забележал дека недостасува долната вилица од черепот на неговиот татко и ги нема златните заби. Го зел черепот и го чувал дома во комода и не ја известил полицијата за случајот.
