Хроничното држење на главата напред е една од последиците на модерниот, седентарен начин на живот. Таквата положба на главата создава огромен притисок врз мускулите на вратот и негативно влијае на целокупното држење на телото.
Хиропрактикот д-р Алан Мандел од Флорида смислил серија едноставни вежби кои помагаат во ублажување на болката, вкочанетоста и подобрување на квалитетот на животот, пишува Zadepna.hr.
Техника во три чекори за ублажување на напнатоста во вратот:
Ставете ја десната рака на левата страна на клучната коска и истегнете ја левата страна на вратот пет секунди, навалувајќи го вратот на десната страна. Опуштете се. Потоа ставете ја левата рака на десната страна на клучната коска и истегнете ја десната страна на вратот пет секунди, навалувајќи го вратот на левата страна. Опуштете се.
Испреплете ги прстите на задниот дел од вратот и турнете ја главата наназад десет секунди, држејќи ја исправена, односно без да ја кревате или спуштате брадата. Додека го правите ова, ќе почувствувате чувство на влечење во основата на черепот, како и мускулите во предниот дел на вратот како се стегаат. Опуштете се.
Ставете ги рацете на вратот, веднаш под черепот и подигнете го черепот со рацете и турнете ја главата назад со благо крената брадата. Држете ја оваа позиција десет секунди. Опуштете се.
Веќе по првото изведување на оваа вежба ќе почувствувате значително подобрување, вратот ќе биде поподвижен, а мускулите поопуштени и послободни, тврди хиропрактикот.
Вежбата можете да ја правите секогаш кога ќе почувствувате потреба, но резултатите треба да ги почувствувате за 30 секунди, вели тој.
