Во петок, на 25 декември, истекува мандатот на јавниот обвинител Љубомир Јовески, а Советот на јавни обвинители трбеа да избере негов в.д. заменик. Вршителот на должност ќе се избере од редот на републичките обвинители и тој ќе биде на оваа функција до изборот на нов републички јавен обвинител за кого постапката е во тек. На огласот се пријавени тројца кандидати – Лидија Раичевиќ, Фатиме Фетаи и Љупчо Коцевски.
Во меѓувреме, за нови членови во Републичкото обвинителство се избрани Лиле Стефанова и Наум Паноски. Стефанова доаѓа на новата позиција од Обвинителството за крминал и корупција.
Стефанова е позната по тоа што беше дел од некогашното Специјално јавно обвинителство и работеше на предметите како „Империја“ и „Плацеви на Водно“’ кои завршија со осудителни пресуди за обвинетите. Единствениот активен од предметите на СЈО кој таа го води во моментов е „Титаник“.
Паноски доаѓа на позицијата републички обвинител од претходна позиција во Вишото обвинителство.
