Од Управата за хидрометеоролошки работи информираат дека наутро во земјава ќе биде студено со услови за појава на магла по одделни котлини.
Преку денот нѐ очекува сончево со мала до умерена локална облачност која попладне ќе се намалува. Ќе дува слаб до умерен ветер од северен правец, кој долж Повардарието и во источните делови повремено ќе засилува.
Минималните утрински температури ќе се движат од – 7 во Берово до 1 во Гевгелија, а максималните дневни од 4 во Маврово и 11 Целзиусови степени во Гевгелија.
Во Скопје, наутро со услови за појава на магла, а во текот на денот сончево со мала облачност. Ќе дува слаб до умерен северен ветер. Температурата ќе се движи од – 3 до 8 степени.
За утре метеоролозите најавуваат дека наутро во земјава ќе биде студено со услови за појава на магла по одделни котлини. Преку денот нѐ очекува сончево со мала до умерена локална облачност која попладне ќе се намалува. Ќе дува слаб до умерен ветер од северен правец.
Минималната температура ќе биде во интервал од – 7 до 1, а максималната ќе достигне од 3 до 10 степени.
Исто време нѐ очекува и во последниот ден од оваа година. Утрата ќе бидат магливи, а во текот на денот ќе се појави сонце, но со мала умерена облачност.
Минималната температура ќе биде во интервал од – 7 до 0, а максималната ќе достигне од 5 до 13 степени.
