Една од најплатените актерки во светот Софија Вергара на Инстаграм објави фотографија со нејзината внука Клаудија која неверојатно личи на неа.
„Деловното патување ни дојде како мал одмор“, напиша таа во описот на објавата.
Обожавателите во неверување веднаш почнаа да коментираат покрај објавената фотографија.
„Две Софии?“, „Близначки“, „Идентични сте“, „Прекрасни сте“, „Невозможно е толку многу да личите“, „Најдобрата фотографија“, се само дел од коментарите на воодушевените обожаватели на постот на актерката.
Поради сличноста со познатата актерка, 30-годишната Клаудија стана многу популарна на социјалните мрежи. Софија често ја нарекува „мини ми“.
Клаудија е ќерка на постариот брат на актерката Рафаел, кој беше убиен пред 20 години. Таа е во одлични односи со синот на Софија, Маноло Гонзалес Вергара.
ФОТО: Инстаграм
