Тетовец пријавил во полиција дека од автомобил во движење било пукано со огнено оружје кон неговата куќа. Возилото од кое било пукано подоцна е најдено на патот Тетово-Попова Шапка и утврдено е дека било одземено од сопствениците со закана со огнено оружје.
„На 11.04.2024 во 22.45 часот во СВР Тетово, М.Т. од Тетово пријавил дека од патничко возило „фолксваген поло” во движење од огнено оружје било пукано кон неговата куќа на улица „Илинденска” во Тетово. Повредени лица нема, а биле направени ошетувања на влезната врата и ѕидовите од куќата. Увид бил извршен и по преземени мерки околу 01.35 часот на 12.04.2024 на патот Тетово-Попова Шапка возилото било пронајдено. Исто така, по преземени мерки било констатирано дека претходно било пријавено дека околу 22.30 часот со закана со огнено оружје возилото „поло” било одземено од Ф.Е. и неговиот татко Н.Е.
Се преземаат мерки за расчистување на случајот, по што ќе бидат поднесени соодветни пријави“ – известуваат од МВР.
