Странските платеници кои учествуваа во војната во Донбас на украинска страна нема да бидат разменувани, изјави денеска Елена Шишкина, претседателката на Комитетот за кривично и административно законодавство на Народниот совет на самопрогласената Доњецка Народна Република. Наместо тоа, двајцата Британци и Мароканецот кои во април во Мариупол им се предадоа на руските трупи би можеле да се соочат со смртна казна.
Портпаролот на руското Министерство за одбрана, генерал-мајор Игор Конашенков изјави дека „платениците кои пристигнале во Украина не се борци и дека најдоброто нешто што ги очекува е долготраен затвор“.
Тој истакна дека според меѓународното хуманитарно право странските платеници немаат статус на регуларни војници.
