Валентин Јудашкин, руски моден дизајнер познат не само по своите блескави вечерни тоалети, туку и по редизајнирањето на руските воени униформи, почина на 59-годишна возраст, објавија во вторникот руските новински агенции.
Дизајнерот кој се прослави во 1991 година со колекцијата „Фаберже“ на Модната недела во Париз ја загуби животната битка со ракот, пишува „Би-би-си“. Додава дека минатата година во март, учеството на Јудашкин на Модната недела во Париз било откажано бидејќи не ја осудил руската агресија врз Украина.
Јудашкин, чии театарски креации често биле изложени во музеите во Франција и САД, првпат станал познат кога ја облекол Раиса Горбачова, сопругата на советскиот лидер Михаил Горбачов, кон крајот на 90-тите.
Во тие години, по распадот на Советскиот Сојуз, тој стана руска икона со дизајнирање на дресовите на олимписките и фудбалските тимови. Во соработка со Игор Чапурин, тој редизајнираше 85 парадни униформи од сите гранки на руските вооружени сили.
„Најтешкиот дел беше да се погрижиме дека униформите, како и сите други униформи, се функционални“, изјави тој за Ројтерс во интервјуто. „Поминав многу време разговарајќи со луѓе кои сега служат во војска за да разберам што за нив функционира, а што не, што е удобно, а што не.“
Јудашкин рече дека врз него влијаело тоа што во помладите денови работел во театри правејќи костими од евтини материјали. Тој се приклучи на француската модна институција која ја доделува ценетата титула „висока мода“, но титулата исто така му предизвика проблеми кога се осмели да дизајнира сопствена линија на фармерки.
„Сите беа огорчени: „Имате етикета! Немате право да ја обезвреднувате високата мода“, го цитираа. „Години подоцна, што гледаме? „Диор“ фармерки! Тениски обувки „Шанел“!“, рекол тој. Незадоволен бил и од сеприсутното носење лежерна облека.
„Не можете само да се шетате во спортска облека“, рекол тој. „Во нашите животи има свадби, родендени, први танци и друштвени излегувања, така што фустанот ќе остане засекогаш.
Јудашкин почина два дена по Вјачеслав Слава Зајцев, доајенот на советската и руската мода, кој француските медиуми го добија прекарот Црвениот Диор на врвот на својата слава во 1960-тите и кој исто така го облекуваше Горбачов. Зајцев облекуваше познати личности и политичари и беше првиот советски дизајнер на кој му беше дозволена сопствена модна марка.
