Славната манекенка Хајди Клум повторно ја налути јавноста по неодамнешните јавни критики за голотија, а овој пат таа носи само црвена танга со тантела.
Поранешното заштитно лице на брендот „Викторијас сикрет“ ги поминува новогодишните празници во Аспен, Колорадо, како и повеќето познати личности во Америка, а друштво и прави нејзиниот сопруг Том Каулиц, како и четирите деца.
Паузите манекенката ги користи за да фотографира и да снима видеа за Инстаграм, а сега сподели видео од хотелската соба, на кое може да се види како прави топки од снег облечена само во црвена чипкана долна облека, а потоа ја мава со топка личноста зад камерата.
Разбушавената бујна коса го привлече вниманието на сите, но и разголеното издание и танга на Хајди, а на социјалните мрежи се најдоа различни коментари.
„Имате ли традиција за новогодишната ноќ? За мене тоа е црвена чипка… Среќно“, коментирала 51-годишната манекенка, алудирајќи на својата црвена долна облека.
Видеото на Хајди за само еден ден собра речиси 3 милиони прегледи, но затоа манекенката ја исклучи можноста за коментирање.
„Ова се нарекува трансфер на срамот“, „Жената изгледа одлично, но има однесување на разуздана девојка“, „Уште една убавица што бара внимание“, „Ова изгледа многу, многу непријатно“, „Замислете како им е на нејзините деца“, коментираа фановите на социјалните мрежи, но имаше и позитивни коментари, а многумина сметаат дека нејзино право е да се снима и дека жената едноставно ужива во животот, сигурна во сопствената кожа.
Да потсетиме, Хајди летово се соочи со остри критики бидејќи често се сончаше топлес. Таа едноставно одговори дека го обожава своето тело и дека не сака да има траги од сончање на својата кожа.
