Британецот Џек Дрејпер многу тешко се справуваше со пеколните услови за игра на УС Опен во Њујорк во полуфиналето со Јаник Синер. Синер падна на левиот зглоб од раката и мораше да му се укаже лекарска помош, но сепак победи со 7:5, 7:6 (3), 6:2.
Дрејпер неколку пати поврати на теренот за време на мечот, а потоа јавно проговори за своите стравови од вакви големи натпревари. Особено во вториот сет на Британецот очигледно му беше многу лошо, неколку пати поврати, а потоа со пешкир го исчисти теренот. Тој се обиде да се олади со наизменични облоги мраз околу вратот и бутовите.
– Кога играш против врвен играч како Синер, интензитетот е поголем и нервозата е поголема. Ова беше голема шанса за мене, но бев многу нервозен. Јас сум анксиозна личност и се борам со анксиозност. Знае да ми биде лошо кога ќе дојде до вакви ситуации на теренот – рече по мечот 22-годишниот Дрејпер, кој стигна до полуфиналето во Њујорк без загубен сет.
Една година постариот Синер сочувствува со својот ривал.
– Јас и Џек се познаваме многу добро и сме добри пријатели. Тоа беше многу физички напорен натпревар. Да се надеваме дека нема за што да се грижам – рече Синер.
Топлото време и големата влажност влијаеја многу врз однесување и успехот на спортистите на ова првенство.
Дрејпер имаше проблеми со хидрацијата и во неколку наврати ја стопираше играта, па во дадените ситуации и самиот го бришеше подот со пешкирите.
По два позитивни пролетни допинг тестови и ослободителна пресуда непосредно пред турнирот, Синер е под посебен надзор.
Тој во финалето ќе се соочи со победникот од американскиот меч, 26-годишниот Тејлор Фриц, кој по три часа и 18 минути беше подобар од Френсис Тиафо со 4:6, 7:5, 4:6, 6:4, 6. :1 и за прв пат стигна до финале на турнир од големата четворка во кариерата.
