Силен земјотрес од 5,7 степени според Рихтеровата скала е регистриран во Грција ноќеска околу еден час по полноќ и бил почувствуван дури до главниот град Атина, на околу 115 километри.
Епицентарот на земјотресот е регистриран на оддалеченост од 26 километри од градот Амфиса, главниот град на префектурата Фокида во централна Грција.
Информации за штети засега не се познати.
Европско-медитеранскиот сеизмолошки центар го намали првичното читање со јачина од 5,7 степени и соопшти дека епицентарот на земјотресот бил пет километри под површината во заливот што ја дели Грција од полуостровот Пелопонез.
