Малиот архипелаг Кирибати и островите Самоа во Тихиот Океан први влегоа во 2023 година во 11 часот по средноевропско време во саботата, еден час подоцна Нов Зеланд, а потоа и Австралија влегоа во новата година.
Сиднеј ја дочека Новата година со традиционален прекрасен огномет наречен „калеидоскоп на бои“ во пристаништето на градот.
Врвот на шоуто беше виножитото кое течеше како водопад од мостот, имајќи предвид дека градот ќе биде домаќин на World Pride во февруари.
Се проценуваше дека спектаклот ќе привлече милион луѓе, според телевизијата ABC. Многумина зазедоа место со добар поглед рано наутро. Низ светот, веројатно половина милијарда луѓе го гледаа огнометот.Според организаторите, огнометот чинел околу 39 милиони американски долари.
Пред Австралија, во 2023 година, Самоа и Кирибати први пречекаа во Јужниот Тихи Океан, овој пат во присуство на туристи за прв пат во последните две години.
Имено, двете земји ги затворија своите граници за посетители во март 2020 година поради пандемијата на коронавирус. Кирибати беше отворен за светот во август, а Самоа во септември.
Во Самоа огномет беше организиран во главниот град Апија и на островот Саваја.
Најголемиот остров на Кирибати, Киритимати, каде живеат околу 5.000 луѓе, е првиот населен остров кој влезе во новата година, но немаше голема прослава.
Првиот голем меѓународен центар кој влезе во 2023 година беше Окленд, најголемиот град во Нов Зеланд, каде што сите знаменитости беа осветлени за таа пригода.Во Скај Тауер имаше огномет и ласерско шоу координирано со други знаменитости, вклучувајќи го пристанишниот мост и музејот.
Минатата година немаше такво нешто поради пандемијата.
Американска Самоа, на само 220 километри источно од Самоа, од другата страна на меѓународната линија за датум, ќе биде последната што ќе го наздрави доаѓањето на 2023 година.
