Шведската влада во средата гласаше за уставен амандман за измена на антитерористичкиот закон, јавува Анадолија.
Да потсетиме, оваа година Шведска и Финска поднесоа барање за приклучување кон Атлантската алијанса по почетокот на руската инвазија на Украина на крајот на февруари.
Нивната одлука беше поздравена од многу членки на НАТО, но процесот беше блокиран од турскиот претседател Реџеп Таип Ердоган, обвинувајќи ги Финска и Шведска дека се меки кон Курдистанската работничка партија (ПКК) и нејзините сојузници, кои Анкара ги смета за терористичка организација.
Шведскиот Риксдаг во средата ги усвои законските измени со 270 гласа „за“ и 37 „против“.
Новиот закон остава повеќе простор за ограничување на слободата на здружување на групите вклучени во тероризам, што е клучен услов на Турција да и даде на Шведска членство во НАТО, рече Анадолија.
Со измените ќе се овозможи предлагање и одлучување за закони кои забрануваат терористички организации или вклучуваат учество во криминални активности на терористички групи.
Левицата и Зелените во Шведска се спротивставија на измените на законот.
Амандманот го отвора патот за полесни кривични постапки против членовите на терористичката организација ПКК/ЈПГ (Работничка партија на Курдистан) или други терористички групи, наведува Анадолија.
Исто така, ќе се погрижи шведската разузнавачка агенција да може да ги истражи оние кои објавуваат информации што им наштетуваат на односите на Шведска со друга земја или меѓународни организации, што на крајот може да доведе до затворска казна до четири години.
Промената ќе стапи на сила од 1 јануари.
