Холивудските актерки Никол Кидман и Салма Хаек неодамна позираа со пејачката Кети Пери по ревијата на „Баленсијага“ која се одржа во рамките на Модната недела во Париз. Снимката на која Кидман ја оттурнува својата колешка стана вирална на социјалните мрежи и многумина се прашуваа дали има тензии меѓу актерките.
Снимките од инцидентот што се случи на 30 декември во француската престолнина првпат се појавија на 30 септември и предизвикаа лавина реакции.
Сега британскиот вештак и форензичар Џереми Фримен откри за американскиот портал „Пејџ сикс“ што ѝ рекла Кидман на Хаек пред таа да ја турне.
„Да се свртиме таму. Добро, тука“, тврди читачот од усни дека Салма Хаек ѝ рекла на Кидман, а Кидман наводно ѝ рекла: „Еј, добро сум, добро сум. Ете, доста е, во ред е“, а потоа ја оттурнала.
Салма тогаш рекла: „Мораме…“ и ја ставила раката на рамениците на пејачката Кети Пери која во тој момент била со нив.
„Тоа е добро“, рекла Салма потоа.
Os fotógrafos tirando fotos da Salma Hayek até a Nicole Kidman parar bem na frente dela e soltar um “don’t touch me” que deixou até a Katy Perry sem graça 
pic.twitter.com/3z5RK6Jfr1
— Central Reality (@centralreality) October 12, 2024
Збунетата Хаек ѝ објаснила дека мора да се фотографираат поради обврските во договорот, со оглед на тоа дека и двете соработуваат со модната куќа „Баленсијага“ и имаат обврска да се појавуваат и да се фотографираат во изданијата на таа модна куќа.
Извор кој бил присутен на ревијата тврди дека нема тензија меѓу актерките.
– Ова е исечок од видеото кое не ја претставува реалноста. Постои фотографија на која позираат заедно. Ништо не се случило. Тие се пријателки и имаат добар однос и покрај тоа што некој мисли дека не е така. Никол не е безобразна. Воопшто не е. Можеби е понекогаш е непријатна, но не е непристојна – тврди изворот.
Пристигнувањето на Никол на Модната ревија во Париз беше нејзино прво јавно излегување по смртта на нејзината мајка. Актерката била во Венеција кога ја добила тажната вест, а потоа итно отпатувала за Австралија.
Кидман била многу блиска со мајка си која имала здравствени проблеми, а за неа се грижела актерката.
„Можам да го видам светот, затоа што сме блиски, низ очите на 81-годишна жена. Таа е многу директна и многу искрена и на тој начин добивам пристап до светот преку нејзините очи, очите на мајка ми, значи дел од мене во речиси 80 години“, изјави актерката во едно интервју пред две години.
