Многу лекари предупредуваат дека семките од лубеница не се добри за здравјето, особено ако сте склони кон гастроинтестинални проблеми. Се разбира, нема да ви порасне „лубеница во стомакот“, како што не предупредуваа нашите баби, но може да предизвикаат надуеност, болка, па дури и дијареа.
Ако случајно проголтате семка од лубеница, ништо лошо нема да се случи. Тие не се таложат во организмот, туку ги исфрламе по природен пат, вели гастроентерологот Анастазија Тимошенко.
Белите семиња се меки и полесно се голтаат, додека црните семки тешко се џвакаат, па затоа многумина претпочитаат да ги отстранат. Но, со оглед на тоа дека се богати со хранливи материи, особено со омега-3 масни киселини, калиум и магнезиум, се препорачува да се јадат печени.
Измијте ги и исушете ги семињата. Кога целосно ќе се исушат, намачкајте ги со малку маслиново масло и рамномерно распоредете ги на листот. Посолете ги, па печете во рерна загреана на 160 степени 10 до 15 минути.
Слободно играјте си со зачините како кајен пипер, цимет или прстофат шеќер, пренесува Danas.
Сепак, пациентите со гастроинтестинални проблеми треба да бидат внимателни. Семките од лубеница може да предизвикаат надуеност, болка, па дури и дијареа.
