More

    Штети има и кај живината и во производни погони

    spot_img

    Тетовското село Сиричино, дел од Општина Јегуновце, вчера беше најпогодено од невремето со град, интензивен дожд и ветер. Од планината Жеден надошле огромни количини вода измешани со земја кои навлегле во осумдесетина куќи, а градот речиси 100% ги уништил земјоделските површини. Оштетени се и возила и земјоделски машини.

    – Во мои 70 години ја не сум видел вакво нешто. Во просториите во куќата имав околу 50 сантиметри кал и вода, теписи, внатре што имав кревети, сè тоа е поплавено и одзади имаме уште 80 сантиметри град, мешавина со вода, и кокошките што ги имав не можеле да се снајдат и сите поцркале. Имам штета 100 килограми пченка, пченица. Трици исто така, и тоа нема ништо, се е отидено – вели Ѓорѓи Антовски од Сиричино.

    Блаже Цветковски од истото село, поради невремето остана без својот погон за производство на мебел. Уништени се сите машини и репроматеријали, вели ќе треба да почне од почеток.

    – Штетите се огромни. Се работи за производствен погон, кој произведуваше. Машини, репроматеријали, ситен алат, груба процена, од 30.000 до 60.000 евра комплетно машини и репроматеријали, во таа цена, во таа состојба, што се како нови, се повеќе. Се е упропастено, ништо нема, комплетно е уништено, целиот објект, производствен погон на Мебел Цветковски. Ако следува, ако државата има сили да помогне, добро ќе биде институциите надлежни за тоа, од населението не бараме, знаеме во каква состојба е, тоа е, наше е, ќе се почне од нула и толку – вели Цветковски.

    Градоначалникот на Јегуновце Димитар Костадиновски информираше дека општината формирала комисија, која согласно своите надлежности која ќе евидентира штети. Потоа ќе се бара од владина второстепена комисија да даде средства за обесштетување.

    – Комисијата сега во моментов, спрема обрасци и тие обрасци ќе бидат за кратко поминати во секое домаќинство во село Сиричино. Не само Сиричино, ќе бидат пуштени и во сите населени места каде што оваа непогода ги зафати. На територија на Општина Јегуновце најголеми оштетувања или штети има Сиричино, каде што повеќе од 70-80 домаќинства се опфатени со големи штети во нивните домови додека земјоделските посеви се 100% уништени во населени места Сиричино, Туденце, Копанце, дел од Шемшово и Раотинце. Земјоделците ќе останат без храна за својот добиток, затоа што пченката и пченицата се целосно уништени. Земјоделските и градинарските култури компирот, кромидот, пипер се уништени, може нешто да остане од детелината и ливадите – изјави Костадиновски.

    Меѓу најпогодените подрачја се и земјоделските површини во близина на Фалише, Општина Тетово.

    – Јас работам со земјоделие, и бараме од државата да ни помогне. Имаме садено патлиџан, зелка, компир, пченица и пченка. Гледаме уништено е сè, 105 декари ниви и се под ќесим ги имам големите давачки се. Нема од каде веќе да живееме. Времето е доцна веќе да сееме, не бидува ништо веќе. Да садиме нешто, не стигна доцна е седми месец е. Бараме нешто барем државата да ни помогне нешто – рече Орхан Фејзулаху.

    Од подрачната единица на Министерството за земјоделство информираа дека и нивните службеници ги евидентирале штетите по земјоделските површини.

    Тетовската пожарникарска единица информираше дека 6 луѓе се евакуирани поради елементарната непогода.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img