Од почетокот на војната во Украина, Русија загубила 5.937 војници, изјави денеска рускиот министер за одбрана Сергеј Шојгу. Ова е првпат Русија да ги открие своите загуби во Украина од март. Бројките се десеткратно помали од она што го тврдат украинската страна и британските служби, кои зборуваат за 50.000 загинати Руси, јавува Нова.
Исто така, Шојгу рече дека Украина изгубила повеќе од 61.000 војници од почетокот на „специјалната воена операција“, како што Кремљ ја нарекува окупацијата на земјата.
– Украина веќе изгуби половина од својата армија. Од повеќе од 100.000 луѓе, 61.207 загинаа, а 49.368 беа ранети – рече тој.
Од друга страна, Украина тврди дека Русија од 24 февруари до денес изгубила речиси 55.000 војници.
– Навистина сме во војна со колективниот Запад плус НАТО. Кога зборуваме за тоа, не мислиме само на оружјето што се доставува во огромни количини, туку секако и на системите. Тоа се комуникациски системи, системи за обработка на информации – рече шефот на руската одбрана.
