Израелец од градот Рамат Ган е приведен под сомнение дека извршувал мисии за Иран, соопштија од службата за безбедност Шин Бет и полицијата.
Заедничката изјава на Шин Бет и полицијата откри дека Владислав Викторсон (30), жител на Рамат Ган, бил контактиран од ирански агенти преку социјалните мрежи и преземал различни задачи во нивно име. Овие задачи вклучуваат палење возила во паркот Хајаркон во Тел Авив, закачување транспаренти, прскање графити и прикривање средства, пишува израелски Хаарец.
Истрагата исто така откри дека Викторсон се согласил да убие израелска јавна личност и фрлил граната врз куќата. Исто така, му било наложено да набави огнено оружје, вклучително и снајперска пушка и гранати.
За извршување на овие мисии, тој наводно бил платен над 5.000 американски долари.
