Шеесетгодишен маж во Германија 90 пати се вакцинирал против ковид-19 за да продава лажни картички за вакцинација со реални броеви на вакцини на луѓе кои не сакале самите да се вакцинираат, јавува МИА.
Германецот од градот Магдебург, чие име не е објавено во согласност со германските правила за приватност, примил до 90 вакцини против ковид-19 во центрите за вакцинација во источната покраина Саксонија во текот на неколку месеци, сè додека криминалната полиција не го привела месецов.
Осомничениот е под истрага за неовластено издавање на вакцинални картички и фалсификување документи.
Тој беше фатен во центарот за вакцинација во Ајленбург, Саксонија, кога се појавил за да прими вакцина против ковид-19 втор ден по ред. Полицијата одзеде неколку празни картони за вакцинација и поведе кривична постапка.
Засега не е познато каков ефект имале приближно 90-те вакцини врз личното здравје на мажот кои биле од различни производители.
