More

    Сестрите Вачовски не го режираат овој дел, еве кому му припадна честа

    spot_img

    Aмериканското филмско студио „Ворнер брос“ објави дека се подготвува снимањето на петтиот дел од серијалот „Матрикс“.

    „Матрикс 5“ ќе биде првиот филм од серијалот кој не е режиран од Лана или од Лили Вачовски.

    Сценаристот на „Марсовец: Спасувачка мисија“ Дру Годард ќе го напише и ова сценарио, ќе режира и ќе продуцира со неговата колешка Сара Есберг. Лана Вачовски е вклучена како извршен продуцент.

    Сѐ уште не се знае кој од досегашните главни ѕвезди на „Матрикс“ – Кијану Ривс и Кери-Ен Мос – ќе ја повтори својата улога и ќе им се придружи на Јахја Абдул-Матин Втори, Џонатан Гроф, Нил Патрик Харис и Пријанка Чопра Џонас кои веќе го потпишале своето учество.

    Годард беше номиниран за Оскар за пишувањето на „Марсовец: Спасувачка мисија“ научно-фантастична сага во режија на Ридли Скот и со Мет Дејмон во главната улога.

    – Не е претерано да се каже дека филмовите „Матрикс“ го променија киното, а и мојот живот. Извонредната уметност на Лана и на Лили ме инспирира секој ден и сум неизмерно благодарен за можноста да раскажувам приказни во нивниот свет – изјави Годард.

    Филмската приказна за „Матрикс“ почна 1999 година и се претвори во еден од највлијателните научно-фантастични серијали во историјата на филмот.

    Следеа 3 продолженија: „Матрикс 2: Повторно наполнет“ (The Matrix Reloaded) и „Матрикс 3: Револуции“ (Matrix Revolutions) од 2003 година, па „Матрикс 4: Воскреснувања“ (The Matrix Resurrections) од 2021 година.

    Последниот четврти дел заработи само 159 милиони долари ширум светот наспроти буџетот од 190 милиони долари.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img