Секако, сексуалниот живот не се одредува со бројки кои се показатели за вашата возраст. Далеку од тоа. Сепак, постои возраст кога луѓето најчесто изразуваат задоволство од својот сексуален живот. Се прашувате кога?
Извештајот на онлајн платформата Match.com се заснова на сведочењето на 500 синглови од сите возрасти, националности и социјални позиции, а со резултатите експертите дојдоа до интересни сознанија. Најзадоволни од својот сексуален живот биле мажите на 64-годишна возраст и жените на 66-годишна возраст.
Како што е забележано од платформата Reader’s Digest, тоа не е изненадувачки, а за оваа цел тие побарале коментар и од овластен секс терапевт.
„Мислам дека ова потврдува дека одличен секс не значи да се има „совршено“ тело или да се биде млад или кој било друг критериум за тоа каков треба да биде сексот“, вели терапевтот Холи Ричмонд, која е убедена дека наодите од истражувањето пред се потврдуваат дека добриот секс е поврзан со добро познавање на себеси и способноста да се чувствува добро со партнерот: „Луѓе над 50 години имаат искуство и самодоверба да ги изразат и исполнуваат своите сексуални желби, што води до подобар секс“.
Сексот станува попријатен со возраста
Истражувањето на Универзитетот во Мичиген, од друга страна, покажа дека 85% од сексуално активните возрасни изјавиле дека сексот е важен фактор за нивниот квалитет на живот. Речиси 75 отсто од постарите возрасни испитаници изјавиле дека се задоволни од својот сексуален живот, додека 54 отсто од жените изјавиле дека сексот станува попријатен како што стареат.
Ова дополнително се надополнува со фактори како што се пензионирањето, кое е поврзано со помалку стрес и повеќе слободно време, како и со отсуство на грижи за бременоста. Покрај тоа, луѓето од оваа возрасна група имаат доволно искуство за да знаат што сакаат и како да го побараат тоа од партнерот.
Иако сексот можеби е „најдобро“ во 60-тите, експертите се согласуваат дека луѓето можат да имаат одличен секс во секој момент од животот. „Колку повеќе учиме да зборуваме гласно и не се плашиме да ги артикулираме нашите сексуални желби и стравови, толку ќе биде подобар нашиот сексуален живот“, вели др. Ричмонд. Најважната компонента е добриот однос помеѓу двајцата партнери.
