Најмалку седум лица загинаа во пожар што избувна на траект на Филипините.
Филипинската крајбрежна стража соопшти дека пожарот избувнал на траект што пловел од островот Полило со 134 луѓе. Пожарот избувнал кога траектот се приближувал до пристаништето Реал во Кезон.
Во соопштението се наведува дека во пожарот животот го загубиле најмалку седум лица, а уште најмалку 24 лица се повредени и пренесени во болница.
Спасувачките екипи ги евакуираа преостанатите патници на траектот, а пожарникарите со неколкучасовна акција го изгаснаа пожарот.
