Иако обично се трудиме да го избегнеме стресот и ситуациите кои можат да не налутат, експертите дојдоа до интересни информации кои ќе ве изненадат. Имено, да се лутите барем половина час дневно не само што ви е корисно затоа што го ублажува целиот стрес, туку ја подобрува и кардиоваскуларната и респираторната активност, пренесува Everyday Health.
Така барем тврдат истражувачите од Универзитетот во Мексико, според нивното мислење, да се лутиш половина час дневно може да биде добро за здравјето на луѓето, а особено за мозокот. Но, зошто е тоа така?
Имено, кога се лутиме, постои неврохемиски импулс кој ги стимулира мозочните бранови. Кога нервниот систем „се напрега“, чукањето на срцето и дишењето се забрзуваат. Исто така, за време на фазата на лутина, има зголемено производство на допамин, хормон кој го стимулира мозокот и произведува еден вид возбуда во невроните, но и норепинефрин, хормон кој го зголемува крвниот притисок и отчукувањата на срцето.
Затоа, гневот е начинот на кој се активира нашиот мозок, како и некои од нашите внатрешни органи, па затоа не е толку лош како што мислиме. Сепак, научниците објаснуваат дека умереноста е многу важна во овој случај, а според нивното мислење не треба да се лутиме повеќе од 30 минути дневно. Во спротивно, може да предизвика спротивен ефект и да има штетно влијание врз нашето здравје.
На пример, во ситуации кога има гнев или било каков вид на возбуда, телото произведува кортизол, познат и како хормон на стрес, кој има многу негативни последици доколку се претера. Експертите предупредуваат дека придонесува за побрзо дебелеење, ослабен имунитет, проблеми со спиењето, висок крвен притисок и холестерол, пишува Индекс.
