Московската берза денеска делумно беше отворена, првпат од 25 февруари, ден по почетокот на руската инвазија врз Украина.
Тргувањето со обврзници и акции на рускиот финансиски пазар беше прекинато бидејќи акциите се намалија за 33 отсто. Меѓународните санкции се чувствуваат во руската економија, а некои трговски центри веќе ја ограничуваат продажбата на основните прехранбени производи, како што се сол и масло.
Московската берза повторно е отворена денеска во 13 часот по локално време и тоа само за обврзници издадени од руската Влада.
Во тргувањето пред отворањето на берзата, приносите на државните обврзници се зголемија за речиси 20 отсто – најмногу досега – а потоа благо паднаа.
Повисоките приноси значат дека Владата ќе мора да плати повеќе за позајмување пари и да покаже дека инвестирањето е поризично.
Утринава еден долар изнесуваше 104,83 рубљи, што изгуби една четвртина од вредноста од почетокот на инвазијата.
Света Рамачандран, менаџерка за односи со инвеститори во Гам инвестментс, изјави за Би-Би-Си дека локалните Руси ќе го почувствуваат влијанието на продажбата на акции во наредните недели, кога практично нема да има странски инвестиции.
