Најмалку четири лица загинаа, а голем број се повредени во торнада кои беа регистрирани во различни американски држави, јавува Анадолија.
Торнадата, во кои загинаа четири лица, ги погодија сојузните држави Арканзас, Илиноис, Ајова, Висконсин, Мисисипи и Тенеси.
Гувернерката на Арканзас Сара Хакаби Сандерс прогласи вонредна состојба во областа поради предупредување за силно невреме, јавува Анадолија.
Џенифер Хобс, градоначалничка на државата Вин, рече дека градот е „поделен со оштетувања од исток кон запад“.
Хобс рече дека екипите за итни случаи работат на утврдување на сериозноста на штетата и утврдување дали има други смртни случаи или повредени.
Во американската сојузна држава Илиноис едно лице загина, а десетици се повредени откако се урна покрив на затворена концертна сала, во која имало повеќе од 200 луѓе.
Противпожарната служба соопшти дека 28 лица се пренесени во болница, а пет се тешко повредени.
Околу 300.000 домаќинства во САД погодени од невремето останаа без струја.
