Рускиот претседател Владимир Путин предложи смена на министерот за одбрана и долгогодишен сојузник Сергеј Шојгу по повеќе од две години војна во Украина, објави Горниот дом на парламентот.
– Путин го назначи Шојгу за секретар на рускиот Совет за безбедност – изјави портпаролот на Путин, Дмитриј Песков.
Шојгу беше на чело на руското Министерство за одбрана повеќе од 11 години. Путин го предложи Андреј Белоусов – поранешен вицепремиер, за нов министер за одбрана.
Во исто време, Николај Патрушев беше разрешен од должноста секретар на Советот за безбедност.
Путин, исто така, предложи Сергеј Лавров да остане министер за надворешни работи.
Шојгу беше критикуван за лошо управување со војната во Украина. Тој беше остро критикуван и јавно прозван од Евгениј Пригожин, шефот на Вагнер, кој се пожали дека руската армија не ги снабдувала неговите платеници со доволно оружје за војната.
