Членот на централното собрание на Алијансата за Албанците, Роланда Превала Кадриу, се приклучи на каузата што ја предводи огнената група во рамките на ДУИ, изјави синоќа Изет Меџити за телевизија Алсат.
Претходно тој на својот профил на Фејсбук напиша:
„Имаше средба меѓу мене и Роланда Превала Кадриут, која гордо се приклучи на каузата што ја водиме!“.
Според него, токму несогласувањето со партиската одлука да влезе во владата е причина Роланда Превала Кадриу да ја напушти Алијанса за Албанците. Изет Меџети рече дека проширувањето на владата со Алијанса за Албанците не го зајакнало мнозинството и дека целта на нејзиното влегување во владата било да ја спаси владата. Тој вели дека незадоволството од работата на ДУИ е големо, но според него тоа не значи дека ќе има ново движење или нова партија.
– Остануваме на ставот дека ќе се бориме во рамките на Демократската унија за интеграција, затоа што од првиот ден сме таму, така што го знаеме духот, ја знаеме програмата на ДУИ. Мислам дека овој народ кој 20 години ја поддржува оваа партија заслужува многу подобра извршна власт, со повеќе реализации, со повеќе проекти а не извршна власт од Фејсбук или лажни промоции – додаде тој.
