Рики Мартин поднесе тужба „тешка“ 20 милиони долари против својот 21-годишен внук Денис Јадиел Санчез, кој пред неколку месеци го обвини пејачот за сексуална злоупотреба, поточно за инцест.
ТМЗ објави дека 50-годишниот пејач ја поднела тужбата во средата во Сан Хуан.
Рики Мартин се одлучил на овој потег неколку недели откако неговиот внук ја отфрлил тужбата за сексуален напад, а судијата ја укинал привремената забрана против него.
Внукот на Мартин во обвинението навел дека тој и пејачот биле во романтична врска седум месеци и дека Мартин „не го прифатил“ раскинувањето на наводната врска, што се случило два месеци пред да ја поднесе тужбата. Внукот изјавил дека „се плаши за својата безбедност“ и побарал забрана за приближување, која што истекла на 21 јули, а истиот ден на рочиштето побарал повлекување на тужбата, наводно поради неуспешен обид за преговарање со адвокатите на Мартин.
Пејачот сега го тужи својот внук за 20 милиони долари за изнуда, неосновани обвинувања, злоупотреба на права и отштета.
