Калифорнискиот град Лејк Елсинор во изминатиот месец го посетија голем број туристи. Нив ги привлече цветањето на полињата со афион, кое годинава поради големиот дожд во зима беше толку извонредно што се гледаше и од вселената.
Во калифорнискиот град Лејк Елсинор со олеснување објавија дека периодот на „суперцветење“ на полињата со афион е речиси завршен.
„Ја преживеавме апокалипсата! објави градот на својот Инстаграм профил. Се додава дека последните четири недели биле полни со предизвици за заедницата, бидејќи огромен број луѓе дошле во областа за да ги видат прекрасните сцени што можат да се видат од вселената.
Во еден момент, градските власти мораа да го ограничат пристапот до кањонот Вокер бидејќи туристите го запреа сообраќајот, одеа по цвеќиња и ги затнат јавните тоалети. За еден викенд, 12.062 луѓе користеле јавен превоз до кањонот.
Како што објасни Сара Кимбал, екологист и професор на Универзитетот во Калифорнија за Си-Ен-Ен, дивите цвеќиња во Калифорнија поголемиот дел од своето време го поминуваат под земја како заспани семиња, чекајќи идеални можности да процветаат. „Имавме толку многу дожд во регионот оваа година што никнаа неколку видови диви цвеќиња“, рече таа. Феноменот бил виден дури и од вселената, пренесува CNN.
