Реал Мадрид е шампион

Lorita
By Lorita 1 Min Read
Disclosure: This website may contain affiliate links, which means I may earn a commission if you click on the link and make a purchase. I only recommend products or services that I personally use and believe will add value to my readers. Your support is appreciated!
- Advertisement -
Ad image

Победата на Реал Мадрид од 3:0 над Кадиз во 34. коло од Ла Лига, што беше нивна седма во низа во првенството и последователниот пораз на Барселона од Џирона (2:4) ја обезбедија титулата за кралскиот клуб на четири кола до крајот на сезоната.

„Белите“ собраа 87 бодови, додека второпласираната Џирона има 74 и не може да го помести тимот на Карло Анчелоти од врвот.

Колосот од Мадрид сосема заслужено дојде до титулата, имајќи најмногу победи во досегашниот тек од првенството – 27, најмалку порази – 1, најмногу постигнати голови – 74, како и најдобрата одбрана со 22 примени гола. Дополнително, тимот оствари две победи над големиот ривал за титулата Барселона – (2:1 и 3:2), кои дојдоа по головите во последните секунди на големата ѕвезда Џуд Белингем.

Реал по рекорден 36-ти пат стана шампион на Шпанија. Барселона е втора на вечната ранг-листа на Ла Лига со 27 први места, додека Атлетико Мадрид ја подигна титулата 11 пати.

Ова е деветта титула за „белите“ овој век, како и трета во последните пет сезони, откако 2019/2020 и 2021/2022 исто така триумфираа во Ла Лига.

Share This Article