Инфекциите од ебола се зголемени во Уганда, со што вкупниот број на потврдени и сомнителни смртни случаи се искачи на 23, соопштија здравствените власти на оваа источноафриканска земја.
Уганда прогласи епидемија на ебола минатиот вторник, откако беше откриен случај на релативно редок судански вид во областа Мубенде.
Вирусот сега се прошири во соседните области Киегегва и Касанда, при што Министерството за здравство на Уганда објави дека кумулативниот број на случаи се искачи на 36, вклучително и потврдени и веројатни случаи. Ниту еден случај не е откриен во главниот град Кампала, јавува Си-Ен-Ен.
Министерството за здравство на Уганда го смета за „веројатен случај“ секое лице кое починало од сомнителна ЕВД (Ебола) и кое имало епидемиолошка врска со потврден случај, но не бил тестиран и немало лабораториска потврда.
Министерството смета дека „потврдени случаи“ се оние со позитивни лабораториски резултати. Од досегашниот број на заразени, потврдени се 18 случаи на заболени, додека други 18 се сомнителни дека се заразени со вирусот.
Министерството исто така соопшти дека е потврдено дека пет починати пациенти починале од вирусот, додека 18 се наведени како веројатни смртни случаи. Во моментов се примени околу 35 пациенти, се додава.
Уганда доживеа четири епидемии на ебола. Најсмртоносниот остави повеќе од 200 мртви во 2000 година.
Според Светската здравствена организација, вакцинацијата против реткиот судански вид не е тестирана за ефикасност.
Сепак, вакцината Ервебо (rVSV-ZEBOV) се покажа како ефикасна во заштитата од заирската варијанта на вирусот ебола.
