Делегатот на мечот во Пиреја го напушти стадионот „Караискакис“ со полн тефтер.
Олимпијакос игра очајно сезонава во Европа, шампионот на Грција прво беше елиминиран во квалификациите за Лигата на шампионите од израелски Макаби Хаифа, а потоа преку Аполон се пласираше во Лига Европа.
Во второто по ранг европско клупско натпреварување, Олимпијакос започна многу лошо, прво со пораз од Нант на гости, сега загуби од Фрајбург на домашен терен и тоа многу убедливо – 0:3.
Но, Олимпијакос сè уште ја има жестоката поддршка од навивачите. Така беше и против германскиот тим, но домашните претераа. Во еден момент од натпреварот го испукаа целиот „ракетен арсенал“, нема сомнеж дека ќе бидат казнети од УЕФА, најверојатно парична казна, со условна казна затворање на трибините во случај да се повтори истиот инцидент.
