Првиот светски рекет Новак Ѓоковиќ ќе гостува во поткаст на контроверзниот Ник Киргијос. Австралискиот тенисер кој веќе подолго време го нема на теренот, стана многу поактивен пред микрофонот и најави дека негов следен гостин во поткастот „Good trouble“ ќе му биде токму Ѓоковиќ.
Фановите веќе очекуваат големо шоу, но и одговор на многу прашања поврзани со српскиот тенисер.
Што се случува со Новак Ѓоковиќ? Дали навистина ја загуби мотивацијата за тенис во овој момент, дали е повреден или во прашање е нешто друго друго? Ако се земе предвид директноста на Киргијос и начинот на кој зборува нема сомнение дека прашањата и одговорите ќе донесат нешто интересно и ново.
Ник Киргијос последниот и воедно единствен меч минатата година го одигра на 13 јуни во Штутгарт, каде загуби од Џибинг Ву (7:5, 6:3), а потоа се повлече поради повреда и оттогаш не е на теренот. Охрабрувачка вест е дека следниот вторник ќе објави и снимки од теренот и се чини дека наскоро би можел да се врати и да игра.
Кога станува збор за Ѓоковиќ, тој се мачи на почетокот на оваа сезона. Србинот загуби во полуфиналето на Австралија опен од Јаник Синер. Потоа реши да направи долга пауза и порано замина во Индијан Велс, беше во авион со Рафаел Надал, а потоа доживеа шокантен пораз. Лука Нарди го победи во третото коло. Ѓоковиќ по поразот реши да се повлече од Мастер турнирот во Мајами, а интересно е што деновиве е сепак на Флорида, но без рекет во рацете и не е на терен, туку на плажа.
