Припадници на српското Министерство за внатрешни работи во Јагодина привеле 24-годишен државјанин на Македонија, кој вчера возејќи возило марка „тојота“ предизвикал две сообраќајни незгоди.
Македонскиот државјанин се сомничи дека прво удрил во паркирана „шкода“, сопственост на 73-годишна жена, а потоа пред станицата на тамошната сообраќајна полиција, удрил во полициско возило кое било на пат да изврши увид по пријава од сопственикот на „шкодата“.
Алкотестот открил дека македонскиот државјанин возел со 2,52 промили алкохол во крвта. Против возачот ќе биде поднесена соодветна прекршочна пријава, јавуваат српските медиуми.
